Tanzania emblem

The United Republic of Tanzania

Ministry of Finance

MoF logo

Category Title

  • Government Budget Speeches
  • Ministry's Budget Speeches
  • Budget Books 2024/2025
  • Budget Books 2023/2024
  • Budget Books 2022/2023
  • Budget Books 2021/2022
  • Budget Books 2020
  • Budget Books 2018/2019
  • Budget Books 2015/2016
  • Budget Books 2014/2015
  • Content not found
  • Content not found
  • Content not found

SERIKALI KUBORESHA NA KUONGEZA IDADI YA VYUO VIKUU NA VYA KATI NCHINI.

25 Nov, 2025
SERIKALI KUBORESHA NA KUONGEZA IDADI YA VYUO VIKUU NA VYA KATI NCHINI.

Mkuu wa Chuo Cha Usimamizi wa Fedha (IFM), Profesa Josephat Lotto, akimkaribisha Naibu Katibu Mkuu, Wizara ya Fedha, Bw. Elijah Mwandumbya, alipowasili katika viwanja vya The Dimond Jubilee Hall, jijini Dar Es Salaam, kabla ya kuingia kwenye Ukumbi huo kuzungumza na kuwatunukia wahitimu wa chuo hicho kwa niaba ya Waziri wa Fedha, Balozi Khamis Mussa Omar (Mb), katinga ngazi mbalimbali ikiwemo astashahada na Shahada.

 

Serikali inaendelea kuboresha mazingira ya Vyuo Vikuu na vya Kati na kuongeza idadi ya vyuo hivyo katika mikoa yote ili wananchi wapate fursa zaidi ya kujiendeleza kimasomo na kupata elimu ya juu.

Akizungumza kwa niaba ya Waziri wa Fedha, Mhe. Balozi Khamis Mussa Omar (Mb), Naibu katibu Mkuu, Wizara ya Fedha, Bw. Elijah Mwandumbya, katika Mahafali ya Hamsini na Moja ya Chuo Cha Usimamizi wa Fedha (IFM), yaliyofanyika katika Ukumbi wa The Dimond Jubilee Hall, alisema Serikali imetekeleza na inaendelea kutekeleza miradi mbalimbali kuboresha elimu ili kukuza uchumi. 

‘’Ukuaji huu unajidhihirisha kwenye maeneo mbalimbali ya sekta, hususani; uwepo wa mradi wa SHULE BORA, mradi wa kuendeleza elimu ya Ualimu (TESP), mradi wa kuimarisha elimu ya Sekondari (SEQUIP), Mradi wa Uwezeshaji kupitia Ujuzi (ESP), mradi wa programu ya kutekeleza elimu kwa matokeo (EP4R), mradi wa kujenga ujuzi na ushirikiano Afrika Mashariki (EASTRIP), Mradi wa Elimu ya Juu kwa Mageuzi ya Kiuchumi (HEET) pamoja na miradi mingine’’ alisema Bw. Mwandumbya.

Bw. Mwandumbya alikipongeza chuo cha IFM kwa kutoa elimu bora kwa mfumo unaoendana na mazingira ya sasa kutokana na ukuaji wa teknolojia ili kuwafikia wanafunzi wengi kutoka maeneo mbalimbali nchini na nje ya nchi.

‘’Naendelea kuwapongeza baada ya kusikia kuwa mnakaribia kuanza kutoa mafunzo kwa njia inayounganisha teknolojia ya ana kwa ana (Blended mode), na hasa baada ya kukamilisha maboresho ya mitaala yenu kwa kuwa Elimu ya sasa inahitaji mifumo bora ya TEHAMA ili kusaidia kufikia watu zaidi’’ alisema Bw. Mwandumbya.

Awali akimkaribisha Mgeni rasmi, Mkuu wa Chuo Cha IFM, Profesa. Josephat Lotto, alisema katika kuhakikisha Chuo hicho kinaendana na mazingira na mahitaji ya sasa, chuo kimeanzisha kozi mbalimbali ili kuboresha ufanisi zaidi.

‘’Chuo kimeazisha kozi mahususi ikiwemo kozi ya usalama mtandaoni, kozi inayohusisha uchanganuzi wa data, na kozi katika eneo la Uhasibu na Teknolojia, kwa ajili ya kujibu changamoto za kisekta’’ alisema Prof. Lotto.

Profesa Lotto, alitumia nafasi hiyo kuwatangazia wanafunzi waliyohitimu shahada mbalimbali kuwa chuo kinatarajia kuanzisha shahada za uzamili katika kozi mbalimbali hivyo wahitimu hao wanakaribishwa kuendelea na masomo katika chuo hicho mara tu baada ya kozi hizo kuanza.

Mwisho.