MHE. MUNDE ATOA AGIZO KWA MKURUGENZI WILAYA YA NGORONGORO KUDHIBITI MAENEO YA KIMKAKATI.
Naibu Waziri wa Fedha Mhe. Mhandisi Mshamu Ali Munde (Mb) amemuagiza Mkurugenzi wa Wilaya ya Ngorongoro kuhakikisha maeneo yanapangwa kuzingatia mahitaji ya sasa na mipango ya maendeleo ya baadaye hususani katika maeneo ya mpaka kati ya Tanzania na Kenya yaliyopo katika Wilaya hiyo.
Agizo hilo amelitoa wakati akihitimisha ziara ya kikazi Wilayani ya Ngorongoro, kufuatia ombi la Mbunge wa jimbo hilo, Mhe. Yannick Ndoinyo kupendekeza uhitaji wa Kituo cha kutoa huduma za Forodha katika Tarafa ya Loliondo na Sale Wilaya ya Ngorongoro, Mkoa wa Arusha.
